قصيدة جديدة للشاعر بكرى عبد الحميد ..عايشين نلملم ضحكنا المجروح ..الى الغائب الذى لم يغب انور عبد العاطى

مع انك عارف

ان السكة طويلة بجد

وانك مش شايف..

أيها حد.. يروح وياك

بتلم عزالك

وتودع ضى الشمس اللى بتهواه

وتزيح الاه على جنب

مع انك عارف

ان المشوار فعلا صعب

اهو جالك قلب

وقدرت تفوت اصحابك

وسط التوهه

عايشين فى الدنيا زى الغرب

وعرفت كمان تهرب وحديك

وتفوتنا من بعديك

شايلين الذنب

طب جالك قلب؟؟؟!

                     

                                   غدا الجزء الثانى